الاثنين، 8 أبريل 2013

قصاقيص 2



قصاقيص 
(2)


ضحكت آوى لما..
اتصل بيها مخصوص عشان يقول لها >>> انه نسي اللى كان و حب من جديد !!

***

بحب لما جبهتى تلمس الارض و انا بصلى و اسمع صوت همس المصليين "سبحان ربى الاعلى"ـ
***

بحب لما بصحى الصبح و افتح ستارة البلكون و القى اوضتى كلها نورت
***


بحب لما بسقى زرعتى و احس انها بتأخد نفس طويل و تفرد طولها 
***


بحب لما ماما تكون مش فى المود واقعد اضحكها ..و الضحك يتقلب لعب و اكتشف انها طفلة اكتر منى

***

 
لما حد بتحبه يجرحك ..
الجرح بالظبط بيبقى زي لما حد يقفل فى وشك مكالمة التليفون ..رغم ان قفل الخط بياخد ثوانى إلا انك بتفضل مضايق فترة كل ما تمسك التليفون ..

***

لما تبقى حزين ..
وتحصل حاجة تجبر بخاطرك فتحس إن رغم كل شئ ربنا بيطبطب عليك :)

***

قالت حباية الخرز اللى فـ عقدى:
متخافيش ...
ردت ضفريتى:
رأسك لفوق متنحنيش ...
رفض بشدة قلبى الكلام و قال:
رأس البنية بتنحنى فالصلاة و حسها فوق العلا
ظهرت ابتسامتى الخجولة..
غازلها رمشى : يارب تانى متختفيش
...(ـــ♥ـــ)....
يااااه قلبى يا طيب انبض قوى رجعنى اعيش
***


قلبي عصفور حــر
~ لــو تحبنى بجد ~
خليك السماء بدل ما تكون القفص.














...
 حورية


هناك تعليق واحد:

  1. تحفه بجد
    قالت حباية الخرز اللى فـ عقدى:
    متخافيش ...
    ردت ضفريتى:
    رأسك لفوق متنحنيش ...
    رفض بشدة قلبى الكلام و قال:
    رأس البنية بتنحنى فالصلاة و حسها فوق العلا
    ظهرت ابتسامتى الخجولة..
    غازلها رمشى : يارب تانى متختفيش
    ...(ـــ♥ـــ)....
    يااااه قلبى يا طيب انبض قوى رجعنى اعيش

    ردحذف